Психолози на Универзитетот Лидс утврдиле дека некои корисници на интернет развиваат компулсивни онлајн навики кои ја заменуваат социјалната интеракција во реалниот свет и се ориентираат кон разговори на друштвените мрежи во виртуелниот свет.
“Ова истражување ги поткрепува претпоставките според кои претераната ангажираност на интернет, која служи како замена на нормалните социјални функции, е можно поврзана со психолошки пореметувања како депресија и зависност“, тврди авторката на истражувањето Катриона Морисон, додавајќи дека ваквото зависничко сурфање може да има сериозни последици за психичкото здравје.
Британските истражувачи во обемната студија го анализирале користењето на интернет и нивото на депресија кај над 1 300 Британци на возраст меѓи 16 и 51 година. Тие заклучиле дека колку подолго испитаниците престојувале пред компјутер, толку биле подепресивни, односно пет пати повеќе отколку корисниците кои не биле зависни.
Овие зависници поминувале пропорционално повеќе време сурфајќи на страниците со сексуална содржина, коцкање и друштвени мрежи. Кај нив, исто така, е забележана поголема присутност на умерена до тешка депресија отколку кај „нормалните“ корисници на интернет (независници).
„Претераното користење интернет е поврзано со депресијата, но не знаеме што се појавило прво ‘ дали депресивните лица се привлечени од интернет или предизвикува ли интернетот депресија“, вели Морисон.
Стручњаците тврдат дека е сосема јасно дека претераното поминување време на интернет може да биде знак за депресивна склоност кај одредна група на луѓе.
