Британско истражување во кое учествувале над 300.000 испитаници, покажало дека здравите животни навики како телесната активност, здравата исхрана, одржувањето на здрава телесна тежина и непушењето може да го намалат ризикот од мозочен удар дури и кај пациенти со генетска предиспозиција за појава на оваа состојба.
Познато е дека постојат околу 90 варијанти на гени кои се поврзани со ризикот од мозочен удар. Носителите на тие варијанти на гени имаат 35% поголем ризик од мозочен удар.
Резултатите од оваа студија укажуваат на важноста на усвојување на здравите животни навики во борбата за намалување на ризикот од мозочен удар.
Испитаниците во ова истражување биле на возраст од 40 до 73 години, а биле следени седум години. Испитаниците кои усвоиле здрави навики, имале за 66 проценти помал ризик од мозочен удар за разлика од оние со нездрави животни навики.
