Жените кои работат подолго од 55 часа неделно, имаат поголем ризик да станат депресивни

Жените кои работат над 55 часа во неделата, имаат за 10,5% поголема веројатност да имаат симптоми на депресија, за разлика од оние кои работат не повеќе од осум часа во текот на работните денови.

Подолгата работна недела ги изложува жените на поголем ризик од развој на депресија во споредба со мажите, укажува нова британска студија. Во истражувањето учестувале над 23.000 возрасни лица. Се покажало дека жените кои работеле подолго од 55 часа во неделата, почесто покажувале симптоми на депресија во споредба со жените кои работеле стандардни 35 до 40 часа неделно.

Жените кои работат над 55 часа во неделата, имаат за 10,5% поголема веројатност да имаат симптоми на депресија, за разлика од оние кои работат не повеќе од осум часа во текот на работните денови.

Интересно е дека мажите кои имале подолго работно време не биле изложени на поголем ризик од развој на депресија, иако биле поподложни на проблеми ако работеле  за време на викендите.

Инаку, подолгото останување на работа може да биде и знак на несигурност и нереални очекувања на работното место, кои се познати ризик фактори за лошото ментално здравје.