Промените во целото тело кај жените настануваат со намалувањето на нивото на естроген и прогестерон, а престанувањето на менструалниот циклус е една од најочигледните промени кои означуваат менопауза. Тегобите поврзани со менопаузата, најчесто се бранови на топлина, пормени во расположението и проблеми со спиењето. Но, понекогаш може да се појават и трајни и сериозни тегоби.
Драстичниот пад на женските хормони на јајчниците го препознава секоја клетка и ткиво кои ги намалуваат и менуваат многу свои функции. Некои од клучните последици од недостаток на естроген се рано видливи и нагласени, како што се промените на функцијата на мозокот, топлотни бранови, несоница, замор и урогенитална атрофија.
Истовремено се забрзуваат и тивко напредуваат атеросклерозата и остеопорозата. Се губат еластичноста и колагенот во сврзните ткива, па кожата станува потенка. Се појавуваат брчки, а зглобовите стануваат болни поради остеоартритисот.
Кардиоваскуларните болести се предизвикани од атеросклероза, слаба еластичност на крвните садови, хипертензија и пореметување на срцевиот ритам. Дебелината и дислипидемијата им помагаат на овие болести, а повеќе пати е докажано дека важен фактор во патофизиологијата на кардиоваскуларните болести е недостаток на естроген. Пред менопаузата инфарктот на миокардот е многу поредок кај жените отколку кај мажите на иста возраст.
Коронарните срцеви болести кај мажите се јавуваат 10 години порано, а жените со привремена менопауза имаат почесто инфаркт и кардиоваскуларна смртност. Сето ова ја потврдува заштитната улога на естрогенот.
Естрогенот ја зголемува вазодилатацијата и влијае на нормалниот ритам на срцето, ја успорува калцификацијата на ѕидовите на крвните садови и атеросклерозата.
