Жените почесто и потешко се борат со мамурлакот од мажите

Постои објаснување зошто алкохолот потешко им паѓа на жените отколку на мажите.

Ако се разбудивте мамурни, јасно е дека деновиве сте претерале со пијалаците. Меѓутоа, она што треба да го знаете е дека жените почесто патат од последиците од прекумерна консумација на алкохол, а ако може да и се верува на нутриционистката Аманди Урсел, тоа е сосема нормално. Имено, постои објаснување зошто алкохолот потешко им паѓа на жените отколку на мажите.

„Жените обично имаат поголем удел на телесни масти во однос на мажите. Со други зборови во нивното тело има помалку вода која го распоредува алкохолот по телото и осигурува тој побрзо да исчезне од организмот“, објаснила Урсел за „Дејли меил“. 

Освен тоа што жените имаат помалку вода во телото, па побрзо доспеваат под дејство на алкохол. Но постои уште едно објаснување на овој феномен.

„Мажите во желудникот имаат мало количество алкохолни дехидрогенази, ензими кои го разградуваат алкохолот кој е токсичен, додека жените ги немаат. Тоа значи дека процесот на метаболизација на алкохол кај мажите почнува побрзо отколку кај жените. Нашите органи, а со самото тоа и црниот дроб, исто така, се помали, па не сме во состојба да произведеме алкохолни дехидрогенази колку и мажите“, додала Урсел.

Заради тоа нејзин совет е никогаш да не се натпреварувате во пиење алкохол со мажите затоа што тие од почетокот се во предност. 

„Ако се обидете да ги следите, последиците следниот ден за вас ќе бидат многу поголеми“, порачува Урсел.

Како лек за мамурлак се советуваат традиционални методи како што се многу вода која побрзо е го „измие“ алкохолот од организмот и лек како што е парацетамолот кој ќе ја ублажи главоболката.