Девојките кои во адолесценцијата често консумираат алкохол во поголеми количини не ја достигнуваат целосната густина на коските на возраста од 20 до 25 години, покажа ново истражување објавено во журналот Journal of Studies on Alcohol and Drugs.
Во истражувањето учествувале 87 девојчиња на возраст од 18 до 20 години, кои во средно училиште често консумирале големи количества алкохол. Тие морале да одговорат дали пиеле повеќе од четири алкохолни пијалоци во рок од два часа и колку често тоа им било практика, а им била измерена и густината на лумбалната или слабинската карлица.
Откриено е дека пречестата и преголемата консумација на алкохол доведува до многу помала густина на карлицата. Под пречесто консумирање се подразбира зголемено консумирање алкохол најмалку двапати месечно.
Истражувањето дополнително ги потврди ставовите дека проблемите на жените со коските во позрелите години се поврзани со прекумерно консумирање на алкохол во текот на животот како и дека алкохолот е на висок ризик фактор за фрактури на коските. За да се намали ризокот од појава на остеопороза, лекарите советуваат жените да избегнуваат да консумираат големи количини алкохол, особено во адолесценцијата.
