Станува збор за многу сериозна психијатриска дијагноза која бара третман и лекување. Пореметувањето спаѓа во анксиозен спектар на психички пореметувања. Називот опсесивно се однесува на мисли кои кај лицето се јавуваат мимо неговата волја, како и низа на компулсивни, односно присилни активности. Според психијатрите, кај заболените ова пореметување подразбира прецизност и точност,строга свест, високи очекувања од себе и од другите. Истовремено подразбира неможност за донесување на одлуки и претерано размислување.
Пореметувањето единствено може да се дијагностицира со следење на симптомите кои се специфични, а може да се појават и кај децата и кај возрасните.
БРОЕЊЕ – Најчестата компулсија е броењето, каде луѓето секојдневно по повеќе пати во денот бројат предмети во станот, чекори, скали или други работи.
МИЕЊЕ РАЦЕ – Следна честа компулсија е пречестото миење на рацете. Во тие ситуации, поединецот може и 200 пати во денот да ги измие рацете, често порследено со користење на средство на дезинфекција. Активноста произлегува од стравот од бактерии и нечистотии, како и компулсивно чистење.
РИТУАЛЕН СООДНОС – Такват состојба, според психијатрите, најдобро се опишува како ситуација кога одите по улица и не сакате да заснатете на бела линија или мора да застанете во одреден квадрат или мора да чукнете во врата три пати, нешто да допрете или израмните за да биде добро. Тоа е дел од процесот во кој се верува дека се поништува опасноста од анксиозност и опсесивни мисли.
ОПСЕСИВНИ МИСЛИ – Тоа се интензивни мисли кои на луѓето им се наметнуваат против нивната волја, обично со многу непријатна содржина и тоа на начин кој ним им е неприфатлив и неспоив со нивната личност. На сите ни доаѓаат мисли по некое интензивно случување, но тоа не е опсесија. Опсесивните мисли доаѓаат без најава и се со непријатна содржина и човекот не може да ги поврзе со својот вредносен систем.
