Воспалителниот процес во организмот на кратки патеки, всушност е добра работа. Станува збор за природна реакција на вашиот имун систем кој на тој начин се бори против повреди или инфекции кои послсе тоа се овлекуваат и се смируваат. Но, ако вашиот организам се бори со долготрајано или постојано и повторувачко воспаление, тоа може да има негативен ефект на здравјето. Хрночното воспаление се јавува како симптом на бројни болести и состојби.
Може ли да предизвикаат срцев удар?
Воспалителниот процес во артериите е честа појава кај лицата кои страдаат од срцеви болести. Кога мастите ќе се наталожат во ѕидовите на коронарните артерии, телото го возвраќа ударот со воспаление отии тоа го гледа како “повреда“ на срцето. Тоа може да биде тригер за создавање на крвно згрутчување кое на крајот може да предизвика срцев или мозочен удар.
Како се поврзани со дијабетесот?
Иако лекарите се уште не знаат дали воспалителните процеси предизвикуваат дијабетес, она што сигурно го знаат е дека постои врска помеѓу овие две состојби. Некои експерти тврдат дека дебелината е тригер за појава на воспалителни процеси кои на организмот му го отежнуваат процесот на искористување на инсулинот. Тоа може да биде една од причините зошто намалувањето на вишокот килограми е клучен чекор во намалување на ризикот од дијабетес тип 2.
Во позадина на Алцхајмеровата болест
Хроничен воспалителен процес во мозокот често е присутен кај лица со овој вид на деменција. Научниците сметаат дека воспалението игра една од клучните улоги при оваа тешка болест.
Предизвикуваат штета кај ревматоидниот артритис
Она што многумина го сметаат за артритис, вусшност е остеоартритис – состојба при која доаѓа до пропаѓање на ткивото што ја обложува рскавицата на зглобовите, особено кај повозрасните лица. При ревматоидниот артритис, имуниот систем ги напаѓа зглобовите, предизвикувајќи воспаление кои може да им наштети не само на зглобовите, туку и на останатите делови во телото – дури и на срцето. Симптомите вклучуваат болка, вкочанетост и црвени, загреани и отечени зглобови.
