Крвните згрутчувања може да се појават кај било кого и може да го заргозат животот ако не се разградат во телото, затоа е важно да ги забележите знаците кои телото ви ги испраќа за да може навреме да реагирате.
ШТО ТРЕБА ДА ЗНАЕТЕ ЗА КРВНИТЕ ЗГРУТЧУВАЊА?
“Крвните згрутчувања може да бидат тивки убијци. Може да се манифестираат на многу начини и да доведа до сериозни компликации. Пушење, висок крвен притисок и одредени лекови како естроген, го зголемуваат ризикот од развој на згрутчувања на крвта или тромбови. Познавањето на симптомите може да ви го спаси животот“, вели медицинскиот техничар Шон Маркезе.
МОЖЕ ДА ИМАТЕ КРВНО ЗРУТЧУВАЊЕ, А ТОА И ДА НЕ ГО ЗНАЕТЕ
“Згрутчувањата на крвта најчесто се наоѓаат во нозете и го блокираат доводот на кислород во околното ткиво. Меѓутоа, површинските или крвните згрутчувања во дел од телото без засегнато ткиво понекогаш може да останат незабележани. Тромбовите што не покажуваат никакви симптоми се особено опасни бидејќи, ако не се лекуваат, се уште може да доведат до сериозни компликации на белите дробови или мозокот“, вели Маркезе.
КРАТОК ЗДИВ ИЛИ ВРТОГЛАВИЦА
“Веројатно, по умерена или интензивна активност ќе го игнорирате заморот, потењето, отежнато дишење или вртоглавицата. Сепак, ако тие се појавуваат често, особено додека одморате или извршувате некоја лесна активност, овие симптоми не треба да се игнорираат. Крвното згрутчување во белите дробови се нарекува белодробна емболија и невозможува влез на кислородот во крвта. Белодробната емболија може да биде смртоносна ако брзо не се лекува“, објаснува Маркезе.
ОТОЦИ, БОЛКА, ПРОМЕНА НА БОЈАТА ИЛИ ВОСПАЛЕНА КОЖА ВО ЕКСТРЕМИТЕТИТЕ
“Ако не сте сигурни во знаците за тромб, можете отечената или променетата боја на кожата на екстремитетот погрешно да ја препишете на неодамнешна повреда или да игнорирате мала промена на бојата или температурата на ногата. Меѓутоа, тоа може да бидат и знаци на длабока венска тромбоза или згрутчување на крвта што се формирало длабоко под кожата и ја блокира крвта да до здравото ткиво. Ако почувствувате еднострана остра болка, црвенило, оток или топла кожа во одредено подрачје, побарајте лекарска помош што е можно поскоро. Длабоката венска тромбоза може да доведе до белодробна емболија или посериозни проблеми, вклучително и гангрена“, вели Маркезе.
СЛАБОСТ, МАЧНИНА, ПРОБЛЕМИ СО ВИДОТ ИЛИ ГОВОРОТ
“Крвното згрутчување може да остане заробено во крвните садови во мозокот, кои се стеснати поради масните наслаги. Може да настанат и поради траума на главата или удар кој предизвикува потрес на мозокот. Бидејќи крвните згрутчувања спречуваат оксигенираната крв да стигне до делови од мозокот, може да се чувствувате вртоглавица, збунетост или да имате проблеми со видот или говорот. Тромбовите во мозокот може да предизвикаат широк спектар на невролошки проблеми, од општа слабост до мозочни удари. Ако почувствувате нешто необично, побарајте лекарска помош што е можно поскоро“, советува Маркезе.
