Течење од носот или отечени екстремитети можат да бидат само последица на некои воспаленија со кои нашиот организам се бори, со цел да оздрави. На тој начин телото се бори и не треба да бидете загрижени. Од друга страна, некои хронични воспаленија можат да придонесат за развојот на некои посериозни здравствени проблеми доколку некое време не се третираат.
Воспалителната реакција често е предизвикана од голем број различни фактори. Кога сме постојано под воспаление, кое е главен одбранбен механизам на организмот, имуниот систем некое време станува ограничен и почнува да се напаѓа самиот себе или паѓа на различни начини. Ваквите реакции можете да ги спречите со здрава исхрана и ако доволно спиете и редовно вежбате. Доколку вашето тело се бори со воспаленија подолго време ова може да се симптоми дека телото е мошне исцрпено.
Ментален умор
Се јавува како резултат на недостаток на сон и како последица на стрес. Воспаленијата, исто така, можат да влијаат на нашиот мозок и да направат да се чувствуваме лошо.
Синдром на нервозни црева
Кога воспалението ќе се најде во дигестивниот тракт се појавуваат симптоми на нервозни црева. Ова може да довете до врзани реакции и до појава на нови воспалителни реакции, па затоа одржувањето на здрави црева е мошне важно. Во решавањето на овие проблеми може да помогне здравата исхрана.
Невро-дегенеративни проблеми
Воспалителните реакции можат да предизвикаат појава на Алцхајмер и мултипла склероза. Исхраната има големо влијание, а здравиот начин на живот, исто така, може да име големо влијание, особено со годините.
Автоимуни реакции
Хроничните воспалителни процеси го погодуваат целиот имун систем и доведуваат до негов крах. Како резултат телото почнува да се напаѓа самаото себе и доаѓа до реакција слична на алергија.
Дијабетес тип 2
Можно е да постои поврзаност меѓу хроничните воспалителни процеси и создавањето на дијабетес тип 2. Научниците откриле дека во телото на дијабетичарите појавата на силни и зачестени воспаленија е почеста отколку кај другите.
Кардиоваскуларни болести
Воспалителните процеси имаат големо влијание врз развојот на артеросклеротични наслаги кои ги прават артериите помалку проодни и со времето доаѓа до развој на артеросклероза. Не паничете! Со грижата за здравјето можете да го намалите ризикот. Сонот е исклучително важен затоа што телото така се регенерира и се поправа штетата. А имајте на ум дека и брзата и нездрава храна ги зголемува шансите да се јави некое воспаление.
