Знаци кои укажуваат на тоа дека можеби имате хормонален дисбаланс

Кога хормоните во нашето тело се во идеален баланс, тогаш и ние се чувствуваме добро и функционираме без проблеми, но секое најмало нарушување носи и низа на здравствени проблеми.

Хормонската нерамнотежа влијае на здравјето, на способноста за секојдневно функционирање, но и на физичкиот изглед ако не се лекува навреме. Посветете внимание доколку имате симптоми за кои немате објаснување, на пример, промени во телесната тежина, појава на акни и црвенила на кожата, необјаснива анксиозност, нетипичен мирис на телото… Во овие случаи побарајте помош од специјалист – ендокринолог. Она што треба да го знаете е дека хормоните, односно хормоналниот статус се испитува преку крвна анализа.

Во овој случај, односно доколку се покаже дека има дисбаланс тогаш покрај терапијата, која мора да се зема како што ја препишал специјалистот, треба во голема мера да се внимава и на исхраната.

Одбегнувајте ги слатките и индустриските преработки на овошје, зеленчук и месо, исхраната треба да е богата до квалитетна свежа храна, да се намали кофеинот, да одбегнува храна со адитиви и најважно од сè, да се погрижиме да имаме што помалку стрес, а што повеќе добар сон. Што се однесува до терапијата, никогаш не ја менувајте дозата на своја рака, туку консултирајте се со лекар.