Во народот се тврди дека студот ја зголемува болката, но всушност и не постојат толку студии за влијанието на временските прилики на здравјето. Онаа која била спроведена меѓу 2,5 илјади луѓе ја спровел универзитетот во Манчесетр покажала дека луѓето чувствуваат посилни симптоми во деновите со зголемена влага. Авторите на студијата се надеваат дека таа ќе ги поттикне идните истражувања за причините, како и поврзаноста. Вообичаено е да се слушне некој како вели дека го боли коленото заради времето – во најголемиот дел заради студ. Некои дури и тврдат дека можат да ги предвидат временските прилики според чувството во зглобовите.
Ова истражување е наречено „Облачно со услови за болка“, а е спроведено меѓу 2 500 испитаници со артритис, фибромиалгија, мигрени и невропатски болки од сите делови на Велика Британија. Тие во период од еден до 15 месеци секој ден известувале за своите симптоми, а нивните паметни телефони ги бележеле метеоролошките податоци од нивните локации.
Влажните, ветровити денови со низок воздушен притисок ги зголемувале шансите за чувство на болка за 20 отсто. Истражителите нагласиле дека не нашле врска меѓу температурата или количеството на болка, туку дека причината се низа фактори како ветар, влага и низок притисок.
Професорот Вил Диксон, водач на истражувањето, рекол дека сега е ред на другите научници да истражат зошто влажноста е поврзана со болката, „што ќе отвори врата за нови методи на лекување.“ Со овие заклучоци може да се развие и „прогноза на болка“ која на луѓето со хронични болки ќе им овозможи да ги планираат своите активности.
