Приказната дека бремените жени обожаваат да јадат кисели краставички не е мит, туку реалност, но дали знаете од каде доаѓа потребата за нивна консумација?
Се е дело на мајката природа. Имено, бремените жени природно почнуваат да чувствуваат потреба од храна која ќе ги стимулира.
Германските експерти велат дека поради тоа е сосема логично трудниците да посегнат по кисели краставички, но и други киселкави намирници, кои поради големата количина на витамин Ц кој го содржат во себе му овозможуваат стимулација на уморниот организам. Благодарение на истиот витамин, исто така, помагаат и да се апсорбира железото или калциумот, кој го стимулира растот на коските и затоа е многу важен за време на бременоста.
Некои киселкави намирници, како харингата, на пример, исто така, го стимулираат производството на невротрансмитерот серотонин, кој е природен „подигнувач“ на расположението.
Експертите, исто така, веруваат дека желбата за некоја храна е, веројатно, начин на кој организмот порачува дека одредена храна е всушност добра за таа личност.
