Утрински тип или ноќна птица? Кога се жените во прашање, се чини дека е подобро раното станување, во случај да размислувате да основате семејство, бидејќи истражувањето на Универзитетот Варвик покажало дека жените кои порано стануваат наутро, полесно забременуваат од жените кои се ноќни птици.
Во истражувањето учествувале над 100 жени кои минувале низ постапка на вештачко оплодување, кое имало за цел да утврди дали времето на заминување на спиење и времето на будење е поврзано со женското здравје и навиките.
Се покажало дека жените кои се утрински типови се поздрави.
Според резултатите, три четвртини од жените кои рано станувале наутро забремениле во постапка за вештачко оплодување, а само една четвртина од жените наречени ноќни птици.
Утринските типови, според истражувачите, имаат поздрави животни навики, почесто вежбаат, поздраво се хранат, што ги прави поретко болни во споредба со ноќните птици. Истражувањето покажало дека овој тип на жени, легнуваат да спијат во 22:30, а се будат во 06:30 часот.
