Важноста на добра концентрација не смее да се потцени, бидејќи таа е важен фактор за квалитетен живот. Која било работа бара и концентрација. Благодарение на добра концентрација, успешно се завршуваат семејните и деловните обврски, со присутност и свесност во секој момент.
Фактори кои лошо влијаат на концентрацијата се:
- Нездрава храна сиромашна со нутриенти;
- Телесна неактивност;
- Алкохол и други штетни супстанци;
- Бројни обврски и лоша организација на времето;
- Стрес.
Некои истражувања потврдуваат дека здравата исхрана и телесната активност позитивно влијаат на концентрацијата, како и на самата состојба на организмот.
Концентрацијата може да се подобри со:
- Здрава исхрана;
- Медитација и јога;
- Активен начин на живот;
- Елиминирање на токсините од организмот;
- Добра организација и намалување на стресот;
- Лековити билки кои ја подобруваат работата на мозокот.
Физичката активност го одржува телото витално и помага полесно да ги следи мислите и исполнувањето на работните задачи. Истражувањата покажале дека дури и минимална физичка активност ја подобрува концентрацијата.
Медитацијата и јогата помагаат за подобра организација мислите, го намалуваат физичкиот и менталниот стрес и го смируваат духот. Дури кога човекот е опуштен, може успешно да ги извршува обврските.
Секојдневно, често несвесно внесуваме во организмот токсини и тешки метали кои лошо влијаат на концентрацијата, но и на целиот организам. За тоа да се спречи, настојувајте да консумирате свежи, еколошки продукти. Исфрлете ги шеќерот, слатките, алкохолот, енергетските пијалаци и брзата храна.
Освен здравата исхрана и физичките активности важна е и добрата организација, како и елиминирање на стресот. Запишувајте ги обврските, однапред организирајте го своето време и обидете се да го намалите стресот. Ако сте смирени, собрани и организирани, лесно ќе се концентрирате, а со самото тоа и полесно ќе ги завршите дневните обврски.
