Зошто кашлицата е најлоша навечер? Постојат две причини

Силната и упорна кашлица често станува уште понепријатна навечер, токму кога конечно сте планирале да се одморите и да соберете сила за следниот ден.

Секој стручњак препорачува многу течности, витамини и одмор кога кашлицата ќе нападне, но понекогаш најтешко е токму одморањето, пишува во резултатите на студија објавена минатата недела во Европскиот магазин за психолгија.

Сценариото сигурно ви е познато – легнувате во кревет, се пкривате, затворате очи и кашлањето станува неподносливо.

ГРАВИТАЦИЈА

Според стручњаците, ова е главна причина за силно кашлање навечер.

“Кога ќе легнете во кревет, секретот автоматски се слева низ грлото“, објаснува д-р Мичел Блас од болницата во Атланта. Најдобар совет, објаснува тој, би бил да спиете на повисока, ставате под глава уште една перница и тоа ќе го спречи слевањето на секретот во грло.

СУВ ВОЗДУХ

Сувиот воздух може дополнително да го иритира носот и грлото и така да ја влоши кашлицата. Најдобро што може да направите е во собата да ставите нешто што ќе го навлажнува воздухот.

САМОПОМОШ

Иако кашлањето е важно за опоравување на организмот од настинка, бидејќи ги чисти дишните патишта, понекогаш тоа останува долго по настинката. Доколку ви се чини дека не можете да престанете да кашлате кога е време за спиење, обидете се со овие трикови:

  • Пред легнување, консумирајте многу течности
  • Земете бомбона или пастила, или побарајте сируп од својот лекар
  • Ако кашлицата не престанува ни по седум дена, побарајте стручна консултација