Зошто КОВИД-19 повеќе ги напаѓа мажите? Причината може да биде многу едноставна

Мажите, во споредба со жените имаат повеќе сериозни проблеми со коронавирусот, и меѓу нив поголемиот процент се со вишок килограми.

Меѓу пациентите на одделите за интензивно лекување во болниците каде се згрижуваат пациенти со коронавирус, поголемиот дел се мажи со прекумерна телесна тежина, а стручњаците не се сигурни зошто е тоа така.

Она што како пример почнало да се појавува во Кина, добило потврда во болниците во Европа и во САД.

“Повеќе мажи отколку жени, имаат сериозни проблеми со КОВИД-19, и меѓу нив има повеќе со вишок килограми, отколку со нормална телесна тежина“, изјавил Дерек Хил, професор на Кралскиот колеџ во Лондон.

Досегашните статистики од одделите за интензивно лекување во Велика Британија го потврдуваат тој феномен: 73 проценти се мажи, а 73,4 проценти имаат прекумерна телесна тежина. Истовремено, кај обезните мажи воочена е помала веројатност за оздравување кога ќе западнат во критична состојба.

Околу 42,4% од пациентите со индекс на телесна тежина (БМИ) понизок од 30, оздравеле и пуштени се дома, во споредба со 56,4% од оние со индекс помал од 25.

И на одделите за интензивна нега во болниците во Франција “многу е висок процентот на пациенти со прекумерна телесна тежина. Три четвртини од нив се мажи“, изјавил Метју Шмидт, лекар во болница во Париз.

Слично е и во Њујорк.

“Би проценила дека мажите чинат 80% од пациентите кои ги носат на интензива“, вели д-р Хани Сбитани, која ги лекува заболенијте од КОВИД-19 во болницата во Бруклин.

ЗОШТО КОВИД-19 ГИ ПОГАЃА МАЖИТЕ ВО ТОЛКАВА МЕРА? СТРУЧЊАЦИТЕ ВЕЛАТ ДЕКА Е ПРЕРАНО ЗА ЗАКЛУЧОК

“Засега тоа е само забележување“, изјавил Жан-Франсоа Делфраси, кој го предводи експертското тело за коронавирус на Владата на Франција.

“Се уште немаме објаснување. Јас сум многу понизен кон тој вирус. За него немавме слушнато пред четири месеци и соочени сме со многу непознати нешта“, додава тој.

Некои стручњаци сметаат дека не е машката ранливост она што ја прави разликата, туку силата на женскиот имун систем.

“Вродениот имунитет кај жените е подобар, особено пред менопаузата. Жените имаат поагресивен имун систем, односно поголема отпорност на инфекции. Втора работа е што мажите едноставно не се грижат толку за својот организам, а меѓу нив има со прекумерна тежина, консументи на алкохол и пушачи“, потенцира Џејм Гил, професор на Медицинскиот факултет Варвик.