Жените може да чувствуваат болка во текот и по сексуланиот однос и тоа во делот на вагината, што е познато како површинска диспареунија или подлабоко во делот на карлицата, што се нарекува длабинска диспареунија.
Ако ве мачи овој проблем, знајте дека не сте сами во тоа, бидејќи над 30% од жените се жалат на болка во текот и по сексуалниот однос.
Површинска диспареунија
Болката која се чувствува во вагиналното подрачје може да има повеќе причини, а ова се некои од нив:
- Инфекција – тоа може да биде инфекција со кандида или полова болест, како гонореа. Во случај на полово преносливи болести може да се појави вагинален исцедок.
- Менопауза – непријатно чувство на стегање на надворешниот дел на матката, се јавува често во исчекување на сексот, а може да го направи и болен или невозможен.
- Генитална иритација или алергија – предизвикана од латекс или вагинално испирање.
- Отекување на вулвата, вагината или околните органи – од трума, породување или оштетувања на женските гениталии.
- Егзем или други генитални состојби на кожата – како што е генитален lichen sclerosus.
Длабинска диспареунија
- Причини за болка при полов однос во подрачјето на карлицата може да бидат:
- Инфективна болест на карлицата која може да предизвика лузни, отоци или апцес.
- Цисти на јајчниците
- Ендометриоза при која ткивото кое припаѓа на внатрешноста на матката може да расте однадвор и да предизвика лузни.
- Миоми – израстоци на мускулното ткиво на матката, најчесто со бенигнен карактер. Може да се јават и во близина на вагината.
- Синдром на иритабилни црева
- Запек
- Во ретки случаи карцином
Постојат и бројни немедицински фактори кои може да предизвикаат болка за време на сексуалниот однос. Тоа вклучува недостаток на возбуда, стрес, па дури и историја на сексуално злоставување.
Болката за време на сексот може да се јави поради различни причини и затоа понекогаш е потребен мултидисциплинарен пристап за да се постави точна дијагноза и да се понуди соодветна поддршка, која вклучува психолог, гинеколог, уролог, па дури и дерматолог.
