Зошто не ги препознаваме симптомите на постапен срцев удар и кои се тие?

Кога симптомите на срцев удар се јавуваат постепено и не следуваат по некој поголем напор, пациентите многу поретко се ослучуваат да се обратат кај лекар во Брза помош, заклучиле американските научници.

Од 474 пациенти кои се обратиле во службите за итна медицинска помош со опасно намалување на дотокот на крв во срцевиот мускул, оние чии симптоми се јавиле постапно, требало да се јават шест часа претходно од препорачното време кога треба да се повика лекарска помош и да стигнат во болница, утврдиле американските лекари.

Тие велат дека поради прекинот на доток на крв во срцевиот муслу, срцевите клетки почнуваат да изумираат, а пациентот чувствува посилна или послаба болка во градите. Имено, таквите постапни симптоми тие не ги препознале, ниту сериозно ги сфатиле, иако размислувале за тоа да повикаат Брза помош.

Како последица на доцното јавување во итна служба, лекарска помош им била укажана во рок од осум часа од почетокот на знаците на срцев удар, во споредба со просечните 2,57 часа колку што требало за пациентите кои имале изненадни и силни симптоми, тврдат научниците.

Во препораките на Американското здружение за срце стои дека на болните со срцев удар им се препорачува добивање соодветна медицинска помош во рок од два часа од почеток на симптомите за да им се загарантира најдобра шанса, кога е во прашање избегнување на трајни оштетувања на срцевиот мускул.

При изненадниот срцев удар пациентите од самиот почеток чувствуваат многу силни болки во пределот на градниот кош. Но, симптомите на постапен напад може да не упатуваат на срцев удар, напоменуваат авторите на студијата.

 

Тоа се обично чувство на блага нелагодност во средината на градниот кош која трае неколку минути или ќе исчезне, па повторно се појавува, болка во едната или во двете раце, во пределот на грбот, вратот, вилицата или стомачната шуплина, како и краток здив. Тие симптоми вообичаено не се чувствуваат, како изненадните бранови на студена пот, мачнина, несвестица, општ замор или необјасниво чувство дека се ќе пропадне.