Зошто не можете да забремените: Пет скриени причини

Експертите велат дека мажите кои се често под стрес неретко за време на ејакулацијата исфрлаат мали количини на сперма, чија содржина не е толку „квалитетна“. Многу е веројатно дека сперматозоидите ќе бидат побавни и со дефектен облик

Ако вие и партнерот сте биле на лекар и од медицинска страна е се во ред, а сепак, не може да останете бремена, можеби треба да обратите внимание на следниве работи.

Експертите наведуваат неколку фактори кои може да ја компромитираат посакуваната бременост.

Консумирате премногу транс масти

Транс мастите кои може да се најдат во пекарски производи, пици, грицки како што се чипсот и пржената храна, може негативно да влијаат на плодноста, односно овулацијата.

Експертите им советуваат на жените ако имаат проблеми со плодноста да се свртат кон следниве намирници: зеленчук, овошје, интегрални житарки, семиња, мешунки, јаткасти плодови, здрави масти (оние во маслиново масло), млеко и млечни производи.

Премногу вежбате

Вежбањето до некаде може да ја подобри плодноста, но важно е да го практикувате во соодветна мера. Премногу вежбање може да влијае на балансот на енергијата и да има негативен ефект врз вашиот репродуктивен циклус. Истражувањата покажале дека долготрајната и интензивна дневна вежба може да влијае на вашата способност да забремените. Умереноста е клуч за одржување на здравјето.

За да ги подобрите шансите за бременост, внимателно избирајте го лубрикантот. Некои имаат соодветно ниво на pH (7,2-8,0), други содржат јони на магнезиум и калциум, кои ги лимитираат природните телесни течности

Имате низок индекс на телесна маса

Ова може да го зголеми ризикот од дисфункција на јајниците, неплодност и предвремено породување. Нарушувањата во исхраната може да бидат поврзани со помал БМИ и понекогаш може негативно да влијаат на менструацијата и плодноста. Може да користите специјализирани апликации кои ќе ги следат вашите калории и тежина, како и други здравствени симптоми.

Неконсумирањето или реткото консумирање овошје го зголемува ризикот од неплодност, а секојдневното консумирање на повеќе порции овошје го скратува времето кое е потребно за една жена да зачне.

Вашиот партнер е под стрес

Експертите велат дека мажите кои се често под стрес неретко за време на ејакулацијата исфрлаат мали количини на сперма, чија содржина не е толку „квалитетна“. Многу е веројатно дека сперматозоидите ќе бидат побавни и со дефектен облик.

Користите погрешни лубриканти

За да ги подобрите шансите за бременост, внимателно избирајте го лубрикантот. Некои имаат соодветно ниво на pH (7,2-8,0), други содржат магнезиумски јони и калциум, кои ги лимитираат природните телесни течности.

„Лубрикантите на база на вода може да ги спречат сперматозоидите да стигнат до јајце клетките, затоа што ја апсорбираат водата во себе“, објаснил американскиот гинеколог Алиса Двек. Специјалистот за плодност Кристен Бениксон, исто така, нагласила и дека лубрикантите на база на вазелин може да ја нарушат вагиналната pH – вредност, што може да ги уништи сперматозоидите.