Зошто се дебелиме од алкохол?

Стручњаците ги откриваат вистинските причини заради кои алкохолот доведува до таложење на несаканите масни наслаги

Лекарите ја откриле вистинската причина заради која консумирањето алкохол доведува до гоење и се покажало дека виновни не се само „мешаните“ слатки пијалаци, како ни пивото.  Алкохолот сам по себе има 7 калории по грам, така што дури и ако бирате пијалаци кои не подразбираат комбинација со некои зашеќерени газирани или негазирани сокови, и понатаму во прашање се сосема бескорисни калории кои на вашето тело не му пружаат никаква нутритивна вредност. Исто така, телото го процесира алкохолот на сосема различен начин за разлика од другите пијалаци и затоа е многу поголема веројатноста дека калориите од храната која ја јадете ќе ги складира поинаку ако притоа пиете алкохол, отколку ако пиете нешто безалкохолно.

Еве зошто консумирањето алкохол предизвикува таложење масни наслаги, особено на стомакот:

Телото не го складира алкохолот и затоа прво ги согорува калориите кои ги внесуваме пијеќи алкохолни пијалаци, објаснува доктор Зои Харкомб.

„Бидејќи таа енергија не може да се складира, калориите од алкохолот тогаш први се трошат“, вели таа.

Ако внесете 100 калории преку некој алкохолен пијалак и 100 калори така што, на пример, ќе изедете паста, телото ќе ги согори калориите од алкохолот, но овие од храната ќе бидат зачувани, најверојатно околу половината.

Алкохолот штетно влијае на лачењето глукагон во организмот, хормон кој го лачи панкреасот и чие основно дејство е зголемување на концентрацијата на глукоза во крвта. Овој хормон, кој делува спротивно на инсулинот, го поттикнува уште и разградувањето на мастите и зголемувањето на концентрацијата на слободните масни киселини во крвта. Глукагонот е од клучна важност за одржувањето на стабилното ниво на шеќер во крвта, што е една од приоритетните функции во организмот.

„Телото алкохолот го регистрира како отров, така што кога пиеме приоритет е црниот дроб да се ослободи од супстанците пред да продолжи да го прави она што инаку го прави црниот дроб“, вели доктор Харкомб.

Алкохолот придонесува и за нездрави избори кога е храната во прашање, ја зголемува желбата за храна затоа што црниот дроб работи „прекувремено“ за организмот да го исчисти од токсините, така што нивото на шеќер во крвта не е стабилно. Заради тоа често имаме потреба за храна богата со јаглехидрати кога пиеме, бидејќи тие го поткреваат нивото на шеќер.



Колку калории имаат пијалаците:

  • Чаша вино има околу 75 калории;
  • Лименка пиво околу 136;
  • Чаша жесток пијалак околу 94.