Верувале или не хељдата всушност не е житарка, туку зелјеста билка сродна со рабарбарата (повеќегодишно растение со големи листови и зеленикаво до црвено стебло што се користи за правење компот или како лековито растение). Семето од хељдата претставува семе на плод и заради високото количество на комплексни јаглехидрати што го содржи, може да се смести меѓу таканаречените псевдожитарки, заедно со амарантот и киноата. Хељдата е особено богата со витамини од Б-комплексот, но и со железо, магнезиум, цинк, калиум и манган.
Претставува одличен извор на протеини – меѓу житарките и псевдожитарките единствено овесот има повеќе протеини од хељдата.
Истражувањата покажале дека личностите кај кои хељдата се консумира секојдневно, односно е застапена во секојдневната исхрана обично имаат пониско ниво на ЛДЛ холестерол, како и помали шанси за развој на хипертензија. Редовното консумирање на хељдата, исто така, го регулира вкупното ниво на холестерол, како и нивото на ХДЛ холестеролот во крвта. На овој начин хељдата помага во превенцијата од кардиоваскуларните заболувања. Се смета дека благотворно делува на кардиоваскуларниот систем благодарение на високата содржина на лигнани и флавоноиди (особено рутинот, кој го содржат цитрусите, јаболката, смоквите и црниот и зелениот чај).
