Почнете го денот со хељда – за свеж изглед , енергија и прочистени крвни садови

Корисните ефекти кои ги има хељдата на кардиоваскуларниот систем можат да се препишат на специфичните материи, наречени флаваноиди, особено рутинот

Заборавената древна житарка – хељдата е едногодишна планинска билка која успева само над 1 000 метри надморска височина. Всушност, хељдата не е вистинска житарка, туку овошно семе, но сепак најчесто се смета како житарка. Таа е многу хранлива, не содржи глутен, а дава поголема енергија.

Вкус 

Хељдата има приближно еднаква енергетска вредност како и другите житарки, а една шолја со сварени зрна хељда содржи 150 калории. Во таа една шолја ќе добиеме 4,5 грама прехранбени влакна, а се смета за извор на витамин Б, магнезиум, а содржи и триптофан, поради кој подобро ќе спиете.

Заштитник на крвните садови

Корисните ефекти кои ги има хељдата на кардиоваскуларниот систем можат да се препишат на специфичните материи, наречени флаваноиди, особено рутинот. Тој се наоѓа во семето и има улога да ја одржува еластичноста на крвните садови, да одржува нормален тек на крвта низ крвните садови и да спречи згрутчување на крвта.

Храна

Хељдата во комбинација со компир била некогашна храна на луѓето, со оглед на тоа дека е многу едноставна за подготовка. Денес, оваа намирница многу ретко се користи во исхраната, но главно се задржала во селата и во некои ресторани како специјалитет. Во последно време здравата исхрана зема поголем замав, па така хељдата полека започнува да се користи како намирница.

Убавина

Поради рутинот, хељдата е билка која има улога во одржувањето на свеж и младешки изглед. Рутинот ја зголемува циркулацијата на крвта на кожата, ја штити од УВ зраците и ја одржува еластичноста. Оваа билка ги содржи потребните хранливи материи кои се неопходни за одржување на убава коса и кожа.