Кога се борите со грчеви, крвавење и сите останати несакани ефекти на менструацијата, дефинитивно што поскоро посакувате да се чувствувате подобро. За да се носиме полесно со сите проблеми кои доаѓаат во овие денови потребна ни е добра енергија, но, за жал, овие денови ни ја цицаат целата енергија. Излегува дека за ова дури и постои здравствена причина, односно постои реална причина зошто сме толку уморни за време на менструацијата.
Десет дена пред да почне менструацијата телото се надева дека јајце клетката ќе се сретне со спермата и во матката набрзо ќе почне да расте нов организам. Која јајцето не е оплодено, хормоните потребни во бременоста стануваат неважни и како резултат на ова нивните нивоа одеднаш се намалуваат.
Кога ќе се случи ова телото поминува низ фаза од високо ниво на хормони до нула хормони, а оваа промена предизвикува некои други промени во телото кои го доведуваат во состојба на умор.
Нивото на хормони повторно почнува да се зголемува една недела после почетокот на менструацијата и врвот го достигнува за време на овулацијата (отприлика две недели после почетокот на менструацијата). Колку е повисоко нивото на хормони, толку повеќе енергија имате. Во оние денови кога се чувствувате како зомби, пожелно е да вежбате, да се хидрирате, да внесувате редовни и здрави оброци и да спиете најмалку 8 часа. Меѓутоа, ако ниту една од овие мерки не помогне, имајте на ум дека енергијата ќе се врати за неколку дена.
