6 витамини и минерали кои ги содржи магдоносот

Магдоносот спаѓа во зачински билки кои најчесто се користат при готвење, а освен својата арома ни обезбедува и бројни нутритиенти и благотворни здравствени својства.

Само 30 г свеж, сечкан магдонос подмирува 108 отсто од дневните потреби на организмот за витамин А; 53 отсто за витаминот Ц и дури 547 проценти за витаминот К (личностите кои пијат лекови против згрутчување на крвта би требало да бидат свесни за количеството на овој витамин во магдоносот, со оглед на тоа дека витаминот К може да ја намали делотворноста на антиокоагулансите). Освен овие три витамина, магдоносот претставува добар извор и на фолна киселина, железо и калиум.

Кога станува збор за поволните здравствени својства, магдоносот може да помогне кај зголемениот крвен притисок, алергија и воспалителни болести. Поволно влијае и на здравјето на очите благодарение на високото количество на бета-каротен, зеаксантин и лутеин, додека благодарение на витаминот К помага да се одржи минералната коскена густина и да се спречи фрактурата на коските.