Пливање, пешачење, трчање, планинарење или која било друга аеробна вежба ги менува бактериите во нашите црева на подобро. Бактериите играат важна улога во организмот и тие се клуч за нашето здравје.
„Ова е прва студија која го покажува влијанието на аеробните вежби врз нашите црева“, вели Џефри Вудс од Универзитетот Илиноис, не криејќи го воодушевувањето од резултатите на неодамнешната студија. Тој додава дека вежбањето треба да биде континуирано и рекреативно, а не краткорочно, само со цел да се ослободите од вишокот на килограми.
Бактериите играат важна улога во организмот и тие се клуч за нашето здравје
Вудс и неговиот тим проучувале 32 слаби и пополнички жени, кои пред почетокот на истражувањето биле целосно неактивни. Во следните шест недели, тие три пати неделно возеле велосипед, пешачеле или на друг начин се занимавале со аеробни вежби. Почнале со 30 минути тренинг и со тек на време продолжиле со 60 минути. По шест недели на овој режим им било кажано да се вратат на начинот на кој живееле пред почетокот на студијата.
Научниците ги проучувале микробите во нивните црева користејќи примероци од столицата, веднаш по завршувањето на шестнеделното вежбање и потоа повторно по шест недели откако се вратиле на стариот начин на живот.
Првите резултати (добиени од столицата по вежбањето) покажале дека концентрацијата на бутират (главен метаболит кој настанува како резултат на бактериска ферментација и е одговорен за здравјето на нашите црева) се зголемила, додека во столицата земена откако испитаниците се вратиле на стариот начин на живот – истата се намалила.
