Агорафобијата е пореметување кое првично означува страв од отворен простор. Под овој поим се подразбира збир на стравови поврзани со јавни места, отворен простор и голем број на луѓе, а често започнува со напад на паника. Симптомите се обично напнатост, вртоглавица, форма на компулсивно проверување, страв од губење на разум и депресија.
Во состав на ова пореметување влегуваат 60 % од сите фобии откриени на клинички прегледи, а од неа патат 0,8 % од светската популација. Лицата кои имаат симптоми ретко тоа го признаваат на околината и избегнуваат каков било разговор на таа тема.
Симптоми на страв во Македонија имаат речиси половина од граѓаните, а од хронична загриженост пати дури 30 до 40 проценти од граѓаните. Состојбата на хронична загриженост е првото скалило во развивањето на големи стравови.
Постојат повеќе теории за тоа кои се причините, а главната се потпира на менталното здравје. Научниците сметаат дека, пред се, се работи за чувство на помала одговорност и постојано барање на почитување.
Симптоми
- Страв од напуштање на домот;
- Потпирање на други;
- Страв од самотија;
- Страв од губење контрола на јавно место;
- Оддалечување од други луѓе;
- Чувство на беспомошност;
- Чувство дека телото не е вистинско;
- Чувство дека околината околу тебе не е реална;
- Напнатост и лутина.
