Артритисот е воспалителна болест на сврзното ткиво која најчесто ги зафаќа зглобовите. Иако постојат неколку различни видови на артритис, третманот на сите видови е насочен на намалување на воспалението.
Редовното консумирање на некои намирници е тригер за појава на болни отоци, поради што е можно лекарот да ве упати на елиминациска диета, за да утврди кои намирници ви пречат.
Ова се намирници кои најчесто создаваат потешкотии кај лицата со артритис.
- Млечни производи
- Рафиниран шеќер
- Алкохол
- Сол
- Заситени масти
- Омега-6 масни киселини
- Аспартам (вештачки засладувач)
- Рафинитрани јаглехидрати
- Храна подготвена на висока температура
Секој пациент со артритис е поинаков и веројатно ќе откриете дека некои намирници на вашето мени ви пречат повеќе од останатите. Сепак, важно е да спроведете некој тип на тест на интолеранција на одредени намирници, секако со лекарски надзор. Кога ќе откриете кои намирници се тригер за појава на болка, полесно ќе управувате со својата состојба и ќе се подобри квалитетот на живот.
