За многумина уринирањето е само обична рутинска работа за која не размислуваат многу. Но што ако за време на празнењето забележиме дека урината ни има поразличен мирис? Без разлика дали е киселкаст или сладок тоа сепак нешто значи. Ова се само некои од состојбите на кои може да укажува.
Сте дехидрирале
Ова е најчеста причина за појава на мирис во урината. Недоволно вода доведува до појава на мирис и потемна боја на урината, затоа немојте да чекате урината да ви стане темна за да се напиете чаша вода.
Сте јаделе нешто со силен мирис
Дали некогаш сте јаделе аспарагус и сте забележале дека мирисот на урината ви е поинаков? Е на тоа мислиме кога ќе ја вклучиме храната како последица. Намирниците како што се лукот, карито, лососот, алкохолот, па дури и кафето можат да го сменат мирисот на урината. Храната која е доста солена се поврзува со појавата на различни воспаленија во организмот, а солта доведува и до дехидратација затоа што за себе ја врзува водата.
Сте пиеле кафе
Некои луѓе забележуваат дека после пиење на кафето што е последица не делувањето на метаболитите од него има промена на бојата на урината. Освен тоа кафето е и одличен диуретик, па имајте на ум да внесувате доста вода ако сакате да пиете кафе често.
Уринарна инфекција
Најчеста причина за грижа кај промените на мирисот на урината кај жените е инфекција. Доколку урината има силен и слаткаст мирис појдете на лекар. Обично лошиот мирис е последица на присуство на бактерии кои создаваат заматеност на урината и печење при мокрењето.
Можеби имате дијабетес или ви се заканува опасност
Еден од првите симптоми на дијабетесот се јавува во тоалетот. Доколку почесто мокрите, имате промена во бојата и мирисот на урината прашајте кога последен пат сте направиле крвна анализа. Обично слаткастиот мирис е симптом на дијабетес тип 2.
Користите средства за интимната регија иако се штетни
Доколку ја негувате интимната регија со разно-разни средства кои имаат парфеми најдобро е веднаш да престанете. Мирисот на урината зависи од присуството на бактерии, а употребата на купките е нешто што само ја влошува состојбата затоа што купката може да ја наруши пх вредноста и нивото на бактерии кои постојат таму долу.
Имате камен во бубрезите
Камењата во бубрезите може да направат големи проблеми, а се јавуваат кога некои хемикалии во урината почнуваат да се кристализираат. Доколку уринирањето е придружено со мирис, заматена урина и болка во грбот побарајте лекарска помош.
Имате габично воспаление
Габична инфекција проследена со чешање се јавува кога природно присутните габички од вагината почнуваат да се шират на други делови од интимната регија. Некои од нив се јавуваат заради употреба на антибиотици, бременост, дијабетес, пад на имуниот систем или заради хормонска терапија. Мирисот на урината е поинаков заради дисбаланс на вагиналните бактерии.
Бременост
Хормонските промени можат да влијаат на промената на мирисот на телесните течности. Во бременост се менува мирисот, но не толку драматично и забележливо.
Во овулација сте
Истите хормони кои укажуваат дека во стомакот имате бебе го менуваат и мирисот на урината кога овулирате. Овде многу не може да се стори, освен да се почека да помине овулацијата.
Ви се заканува полова болест
Како самото присуство на полова болест да не е доволно стресно, па уште се менува и мирисот на урината. Кламидијата е број еден виновник и најчесто таа прави проблем. Симптомите на почетокот се благи, па затоа појдете на лекар штом забележите дека нешто не е како што треба. Кламидијата прави и доста вагинален секрет, чувство на печење и воспаление, а за време на мокрењето се јавува и чувство на чешање, печење и иритација.
Пиете одредени суплементи
Некои суплементи витамини и минерали можат да го пореметат мирисот на урината, но и целото тело. Посоветувајте се со вашиот лекар.
