Кога станува збор за овошјето богато со антиејџ состојки на прво место се цитрусите – лимонот, лиметата, портокалите…, кои изобилуваат со витамин Ц. Витаминот Ц ја поттикнува синтезата на колаген и помага кожата да изгледа поблескаво и помладо. Едно истражување покажало дека жените кои секојдневно внесуваат доста витамин Ц имаат помалку брчки и поубава текстура на кожата. Доколку го почнете денот со чаша вода во која сте додале сок од половина лимон, освен што ќе внесете витамин Ц, ќе го поттикнете и природниот процес на ослободување од токсини што, на подолг временски период, ќе придонесе за поубав изглед на кожата и поголемо ниво на енергија.
За поубав изглед на кожата потрудете се, исто така, барем неколку пати неделно да јадете ананас. Ананасот преку активација на ензимот пролидаза го поттикнува создавањето на колагенот со што се превенира создавањето на брчки и се подобрува еластичноста на кожата.
Уште едно овошје кое можеби не го доживувате како овошје, а кое претставува одличен извор на антиоксиданти се маслинките. Маслинките содржат изобилство на полифеноли и витамин Е кои заеднички ја штитат нашата ДНК од оштетувања и помагаат подолго да изгледаме младо и да се чувствуваме поздраво.
