Колку пати ви се случило после обилен ручек или вечера да ви е тешко до степен да почнете сами на себе да си ветувате дека тоа нема да ви се повтори, дека отсега ќе бидете умерени… Но ако и понатаму тешко успевате да му оддолеете на искушението, еве неколку начини како барем можете да ги ублажите последиците.
- Лажичка сода бикарбона или јаболков оцет се сигурен „лек“ против мачнини. Ставете ги во чаша вода и испијте ја смесата штом почувствувате дека сте се прејале.
- Последиците од калоричните залчиња ќе ги „излечите“ и со лимон. Исцедете лимон во чаша вода и испијте го што е можно поскоро, затоа што ова овошје го поттикнува варењето и го забрзува разградувањето на храната.
- Минералите особено калиумот и магнезиумот добро делуваат на желудникот и го ублажуваат чувството на надуеност, па затоа би требало да ги внесувате со обилен ручек. Најмногу ги има во зелениот листест зеленчук.
- Чаша црно вино, кое содржи антиоксиданти, ги разградува мастите. Но запаметете – 2 дцл се лековити за желудникот, се што е повеќе од тоа само одмага.
