Билките се многу моќни, но, иако некои билни напивки може да се подготвуваат дома, секогаш е потребна претпазливост поради високата содржина на различни активни состојки.
ЧАЈ ЗА СМИРУВАЊЕ КАШЛИЦА, БОЛНО ГРЛО И ДРУГИ ВИРУСНИ ИНФЕКЦИИ
Состојки и подготовка:
- Сушена мајчина душица – 1,5 гр
- Бел слез (сушени листови и цветови) – 1,5 гр
- Жалфија (сушени листови) – 5 гр
- Мед – 1 лажиче
- Сок од лимон – 1 кафена лажичка
Додадете ги сувите билки во чаша врела вода, покријте и оставете да отстои пет до десет минути во водата. Процедете и оставете да се излади. Во млакиот чај додадете една лажичка домашен мед и свежо исцеден сок од лимон. Пијте една до три шолји чај дневно.
ЧАЈ ЗА ОЛЕСНУВАЊЕ НА ДИШЕЊЕТО И СИМПТОМИТЕ НА НАСТИНКА
Состојки и подготовка:
- Црна рибизла (сушени листови и бобинки) – 2 гр
- Мајчина душица (сушени листови) – 2 гр
- Росика – 2гр ( Drosera rotundifolia и ја има во билните аптеки)
- ¼ лажичка цимет
- Сок од лимон – 1 лажичка
- Багремов мед – 1 мала лажичка
Додадете ги сувите билки во чаша врела вода, покријте и оставете да отстои пет до десет минути во водата. Процедете и оставете да се излади. Во млакиот чај додадете една лажичка домашен багремов мед и свежо исцеден сок од лимон. Додадете цимет. Пијте една до три шолји чај дневно.
