Акрофобија – страв од висина

Проценките велат дека секој десетти човек има ирационален страв од нешто што се развива во детството и во помладите години. Тоа не е правило бидејќи стравот или фобијата од нешто може да се добие ненадејно и без причина во било кој период од животот.

Веројатно најчеста фобија е страв од висина или акрофобија. Многу луѓе чуствуваат голема непријатност додека се на висина, особено ако нема заштитна ограда.
Акрофобија е всушност ирационален страв кој некои лица буквално може да ги турне преку работ. Може да се случи лицето кое е на голема висина, да го фати таква паника за да не може да се контролира и да падне.

Стравот од висина често може да биде пореметување проследено со овие симптоми:

  • Вртоглавица
  • Силно чукање на срцето
  • Отежнато дишење
  • Тресење
  • Силно потење
  • Мачнина
  • Овие лица често знаат и да плачат и да викаат, бидејќи не можат да се контролираат
Точната причина за оваа фобија не се знае. Некои лица ја имаат поради трауми и стрес, додека некои теории велат дека е вродена. Некои истражувања велат дека оваа фобија се зголемува со стареењето, а тоа го објаснуваат така што со годините се намалува чувството за рамнотежа, па едноставно се чувствуваат несигурно.

ПОВРЗАНИ НАПИСИПОВЕЌЕ ОД АВТОРОТ