Истражувањето спроведено во Финска покажало дека умерената до тешка консумација на алкохол може кај младите луѓе да влијае на промена на метаболизмот и да ја намали количината на сива материја во мозокот, особено кај младите жени.
Овие резултати ги откриваат биолошките импликации на консумирањето алкохол за време на адолесценцијата и можат да придонесат за развој на нови третмани за лекување на алкохолизам
Резултатите покажале дека умерената до тешка консумација на алкохол кај адолесцентите ја зголемува концентрацијата на 1-метилхистамин во серумот, соединение кое е формирано во мозокот од хистамин. Понатаму, ова зголемување на 1-метилхистамин, како и зголемувањето на креатинот, било поврзано со намалување на волуменот на сивата материја во мозокот кај девојките.
Консумирањето на алкохол, дури и на ниво кое не се смета за прекумерно, може негативно да влијае на младите луѓе, како на нивниот метаболизам, така и на нивната количина на сива материја во мозокот. Станува збор за дел од мозокот, кој е поврзан со памтењето, извршната функција, генерирање на движењата и обработка на визуелните информации.
