Кога патите од анемија морате да јадете што е можно повеќе намирници кои содржат железо. Меѓутоа ни витаминот Ц не е занемарлив со оглед на тоа дека е заслужен за апсорпција на хемоглобинот во телото. Кога личноста пати од анемија тоа значи дека телото има недостаток од нутритиенти. Пред се, до анемија доаѓа заради неурамнотежена исхрана. Меѓутоа, баш како што и лошата исхрана може да предизвика анемија, така може и да ја излекува.
Што е анемија?
Тоа е состојба во која се намалува големината и бројот на црвените крвни зрнца. Со други зборови, може да се детектира со ниски нивоа на хемоглобин во крвта. Симптоми на анемија: умор, студ, забрзан срцев ритам, главоболка, бледило на кожата, физичка слабост и општа тромавост.
План на исхрана за лекување на анемија:
За да го опоравите телото од анемија потребно е да го снабдите со неопходните нутритиенти од овошјето и зеленчукот. Ако здрава личност во телото дневно внесува по 18 мг железо, личноста која пати од анемија мора да внесува двојно повеќе. Еве колку здрава личност внесува на дневно ниво нутритиенти во организмот:
- Железо: мажи 8 мг, а жени 18 мг;
- Фолна киселина: 400 мкг
- Витамин Б12: 2,4 мкг
За да се опоравите од анемија секојдневно морате да ги консумирате овие намирници:
Семе од луцерка
Луцерката е богата со железо, содржи 1 мг на 100 г. Освен тоа содржи и витамин Ц, кој е, исто така, неопходен во исхраната за анемија.
Зоб
На секои 100 г зобена каша вашето тело добива околу 5 мг железо.
Говедско месо
Ова месо е богато со железо, содржи 3 мг на 100 г месо.
Суви смокви
Содржат околу 4,2 мг железо на секои 100 г. Свежите смокви, исто така, помагаат, но содржат многу помалку железо од сувите.
Киви
Може да се каже дека кивито содржи природен концентрат на витамин Ц. Содржи 98 мг на 100 г. Во него практично нема железо, но благодарение на витаминот Ц ова овошје ќе помогне телото подобро да ги апсорбира потребните нутритиенти.
Леќа
Содржи околу 3,3 мг железо на секои 100 г. Освен тоа содржи и фолна киселина и бакар.
Ф’стаци
Содржат околу 3,9 мг железо на 100 грама. Содржат и бакар околу 1,2 мг на 100 г. А комбинацијата на железо и бакар е пресудна за лекување на анемијата.
Цвекло
Цвеклото содржи и железо (0,8 мг на 100 г) и витамин Ц, како и фолна киселина. Комбинацијата од овие три нутритиенти создава бариера да не дојде до анемија.
Сепак, не заборавајте дека овие нутритиенти се користат исклучиво со лекови кои ги препишал доктор.
