За ослободување од стресот и враќање на телото и умот во хармонична рамнотежа се нудат разни видови терапии, повеќе или помалку успешни. Австрискиот лекар Хадемар Банкхофер препорачува антистресен план на исхрана поделен во три дела, тврдејќи дека е исклучително ефикасен. Својот план на исхрана тој го врзува за одредена саатница која лесно може да се испочитува.
Меѓу 16 и 17 часот изедете порција свежо овошје и јогурт. Јогуртот ги зголемува резервите на аминокиселините триптофан и тирозин во крвта. Овие две протеински состојки го „бркаат“ уморот, а го бистрат умот и ја зајакнуваат концентрацијата. Истовремено бактериите во јогуртот носат мир и хармонија во со стрес подивената цревна флора.
Околу 18 часот изедете две јаболка, грејпфрут, две мандарини или портокал, и така израдувајте го организмот со овошен шеќер, доволен мозокот да произведува хормон на среќата.
Меѓу 18 и 20 часот јадете динстан зеленчук со соини никулци. Во зеленчукот го има антистресниот минерал магнезиум, додека соините никулци заради витаминот В ги зајакнуваат нервите. На вашето мени нека има и риба, затоа што нејзните белковини помагаат стресот да исчезне.
