Секој пат кога бебето ќе заплаче, родителите претпоставуваат за што се работи – дали бебето е гладно, дали пелената е мокра, дали нешто го боли, дали расте заб… Но, можеби на претпоставките им дојде крај.
Невропсихијатарката Андерсон која и самата е мајка на четири деца ја осмислила оваа апликација за плачење како апликација за мобилен телефон.
Употребата на апликацијата Chatter Baby е едноставна. Телефонот го држите во близина на бебето, за да може уредот да го чуе плачењето и да ви понуди решение. Засега програмата нуди само три причини – глад, нервоза и болка, но програмерите наведуваат дека крајната цел е апликацијата да научи да препознава повеќе емоции.
Апликацијата е многу корисна за лицата со оштетен слух.
Андерсон тврди дека структурата на плачењето на бебето се разликува од земја во земја. Следниот чекор е да се направи доволно голема база на податоци и звуци кои бебињата ги прават, како би можеле родителите ширум светот да ја користат оваа апликација.
