Гриповите и сезоната на настинки се во полн ек, па имунитетот е на сериозен тест. Секојдневно треба да се работи на зајакнување на имунитетот, па добра вест е што ефекти може да се почувствуваат и ако секој ден се пие по една мала чаша сок од аронија.
Билката, која се нарекува храна на иднината, има исклучително лековити својства, го чисти телото од штетни материи и тешки метали, покрај тоа е одличен антиоксиданс, ги спречува формирањето на слободни радикали и нападите врз здравите клетки во телото и во крвната плазма, со што се забавува процесот на стареење на телото и се спречува развојот на хронични и нехронични болести.
Ако секој ден испиете чашка сок од аронија или да јадете по неколку сушени бобинки, можете да бидете сигурни дека грипот и настинките ќе ве одминат.
Традиционално, аронијата како заштита од настинки ја користеле и Индијанците, но сега со најновите истражувања нејзините антивирусни и антибактериски својства и научно се потврдени. Аронија е прв избор и на многумина кои страдаат од анемија и на оние кои имаат потреба да го регулираат крвниот притисок.
