Авокадото го на намалува холестеролот и чува од атеросклероза

Редовното консумирање авокадо може да го намали нивото на лош холестерол и да ја подобри работата на кардиоваскуларниот систем, велат научниците од Пенсилванија стејт универзитетот.

Истражувачкиот тим спровел истражување во кое учествувале 45 луѓе кои имаат вишок килограми. Пет недели волонтерите ги следеле ефектите на една од три диети: ниска масленост, умерена масленост и умерена масленост со консумација на авокадо еднаш дневно.

Истовремено, друга група учесници го обновувала количеството на незаситени масни киселини типични за авокадото, користејќи други производи со високо количество на здрави масти. После експериментот, истражувачите измериле ниво на липопротеини со ниска густина, главен носител на лошиот холестерол. Покрај тоа тие го анализирале количеството на оксидирани липопротеини кои, според зборовите на авторите, „поттикнуваат реакција која поттикнува развој на атеросклероза“.

Се покажало дека после пет недели диета со авокадо кај третата група двата показатели биле значително пониски од што биле на почетокот на студијата. Освен тоа, овие учесници имале повисоко ниво на лутеин, кој има антиоксидантивни својства.

„Луѓето би требало да го разгледаат вклучувањето на авокадото во својата исхрана на здрав начин, на пример, во тост од пченично брашно или како сос од зеленчук“, предложила Пени Крис-Етертон, една од авторите на студијата. 

Авокадото содржи цел комплекс на хранливи состојки корисни за организмот, па затоа и препораката на авторите на оваа студија е да се продолжи со проучувањето на својствата на оваа намирница.