Азуки гравот како и останатите мешунки се користи и за солени и за слатки јадења. Неговите здравствени својства се значајни и се препорачува во исхраната кај дијабетичарите и кај оние кои сакаат да ослабат, а сакаат трпезата да ја збогатат со нови и здрави рецепти.
Лековити својства
Азуки гравот има бројни лекотиви својства и може да помогне во лечење на некои здравствени тегоби. Богат е со витамин Б комплекс и минерали како што се магнезиум, калиум, железо, цинк, бакар и манган. Азуки гравот ја подобрува циркулацијата и протокот на крвта во телото, го загрева организмот и го чисти од токсичните материи. Бидејќи е диуретик, помага при исфрлање на вишокот течности од организмот.
Исто така допринесува и за правилна работа на мочниот меур, бубрезите и репродуктивните органи, а често се користи во разни диети, бидејќи ги топи вишокот килограми.
Содржи малку калории и масти, а лесно се вари, па го продолжува чувствотото на ситост и го намалува апетитот. За разлика од останатите мешунки, овој грав не предизвикува надуеност и гасови, туку спротивно, помага полесно да се ослободиме од нив.
Азуки гравот помага и во регулирањето на менструалниот циклус, како и при лекување на дијареа и крвава столица. Во секој случај, треба да се вметне во исхраната и често да се консумира како замена за другите мешунки.
Може да се додава во одредени салати, да се приготвува како пире или прелив за солени и слатки пити. Со додадот на омилените зачини и сол, може да се комбинира со компир, сирење или со зелен зеленчук.
