Азуки гравот се смета за шампион меѓу гравот. Главно се смета дека се што е корисно е со лош вкус, а се што е вкусно мора да биде непростливо штетено за нашето здравје. Но постојат ли воопшто десерти кои истовремено го прочистуваат организмот, ги отстрануваат токсините, го регулираат нивото на шеќер во крвта, ја подобруваат циркулацијата, не штетат на здравјето, а истовремено се изненадувачки вкусни? Изгледа дека постојат! Под услов да се подготвени од азуки грав.
Во принцип истражувањата го поврзуваат азуки гравот со успорување на стареењето, подобрување на здравјето на срцето, превенција од карцином, намалување на холестеролот, намалаување на телесната тежина и зголемена енергија. Азуки гравот се смета за одличен извор на есенцијални хранливи материи, витамини и минерали.
Гравот често е сортиран во исхраната на многу вегетаријанци, а студии покажуваат дека гравот од типот на азуки е главна причина за толку здравствени предности кои се поврзани со ваквиот начин на исхрана.
Одличен е за бубрезите, срцето, тенкото црево и панкреасот. Исто така, азуки гравот ја прочистува крвта, го детоксицира организмот, ја подобрува циркулацијата, го намалува потењето, добар е против дијареа и ја зголемува мускулната маса. Содржи голем број на витамини, меѓу кои се издвојуваат витаминот А, Б5, Б11, а од минерали бакар, манган, натриум, цинк и др. Во алтернативната медицина се прави паста од азуки грав која се употребува како облога за чир и акни така што се нанесува на проблематичниот дел од кожата, се прекрива со памучна крпа и се задржува неколку минути.
Најпознат десерт со азуки грав се бомбици со ориз полнети со зрна азуки грав, јадење кое е традиционално во Кина и во Јапонија. Слатки теста со азуки грав се употребуваат како основа за многу видови колачи, па дури и медени колачиња.
