Секоја десета личност во светот има проблем со несоница, додека во повозрасниот период е секоја петта. Според најновите медицински истражувања, несоницата секоја наредна година станува позачестена и претставува сериозна закана за здравјето со трајни последици.
Фактори кои го одредуваат добриот сон се:
- Заспивање во рок од 30 минути или помалку;
- Будење еднаш во текот на ноќта (на помалку од пет минути);
- Спиење барем 85 % од времето вкупно поминато во кревет и помалку од 20 минути будна состојба во текот на една ноќ.
Фактори кои го карактеризираат неквалитетното спиење се:
- Заспивање кое трае повеќе од еден час;
- Будење четири или повеќе пати во текот на ноќта;
- Помалку од 75 % од времето во спиење (од времето поминато во кревет);
- 40 или повеќе минути во текот на ноќта поминати во будност.
Фактори кои најмногу влијаат на сонот се бројот на часови поминати во сон и бројот на будења во текот на ноќта.
Колку сон ни е потребно?
- Новороденчиња (0-3 месеци) – 14 до 17 часа;
- Бебиња (4-11 месеци) – 12 до 15 часа;
- Мали деца (1-2 години) – 11 до 14 часа;
- Предучилишни деца (3-5 години) – 10 до 13 часа
- Деца во училишна возраст (6-13 години) – 9 до 11 часа;
- Тинејџери (14–17 години) – 8 до 10 часа;
- Млади (18-25 години) – 7 до 9 часа;
- Возрасни (26-64 години) – 7 до 9 часа;
- Стари лица (над 65 години) – 7 до 8 часа.
Долготрајните проблеми со несоницата може да предизвикаат низа здравствени проблеми. Утврдено е дека таа е поврзана со зголемено појавување на депресија, но и со анксиозни состојби, поголема склоност кон лутина, иритабилност и слично. Долготрајната несоница значи и зголемен ризик од појава на хронични болести (болести на срцето и крвните садови и некои видови на карцином), зголемен ризик од појава на дебелина, како и предвремено страеење.
