Честата задишаност и болката во горниот дел од грбот, рамената, вратот или раката се едни од посигурните знаци дека итно треба да посетите лекар. Силната болка во градите е карактеристична за мажите, но тој симптом го имаат нешто помалку од половина од жените кои се соочиле со оваа болест.
Многумина дури сметаат дека тоа е болест кај „постарите луѓе“, но треба да се земе предвид и фактот дека за жените помлади од 50 години ризикот од смрт заради срцев удар е двојно поголем отколку кај мажите.
Битно е да се реагира веднаш штом се забележат симптомите затоа што некои се и најава за можен срцев удар.
Лекарите предупредуваат дека не би требало да се занемари и необичниот умор кој може да се појави и со недели пред нападот. Исто така, доколку почнете да чувствувате нагла жештина или студ, или без причина почнува да ве облева пот, имате мачнини и вртоглавици, морате веднаш да побарате лекарска помош затоа што токму тоа може да ви го спаси животот.
И на крајот, здравата исхрана и редовното вежбање се клучни мерки на превенција, а итната посета на лекар во првиот час го намалува ризикот од смрт за 50 отсто кога е во прашање срцевиот удар.
