Редовната физичка активност по срцев удар ја подобрува стапката на преживување

Резултатите покажале дека лицата кои ја зголемиле телесната активност помеѓу две посети на лекар имале 59%  помал ризик од смрт во текот на следните четири години во однос на лицата кои постојано биле неактивни.

Многу лица кои преживеале срцев удар се грижат дека телесните вежби или било каква подолга физичка активност би можела да го оптовари нивното срце, но резултати од нова шведска студија укажуваат дека дури и ниско ниво на телесна активност во првата година  од срцевиот удар може да биде доволна за намалување на ризикот од смрт во годините кои следат.

Резултатите покажале дека лицата кои ја зголемиле телесната активност помеѓу две посети на лекар имале 59%  помал ризик од смрт во текот на следните четири години во однос на лицата кои постојано биле неактивни. Поединци кои биле постојано активни имале за 71% помал ризик од смрт од неактивните лица.

Оваа студија ја поддржува физичката активност како еден од најважните лекови кои многу луѓе може да ја применат пред појавата на тегоби со срцето, особено по нив.

Треба да се истакне дека секоја количина на телесна активност може да им помогне на лицата кои преживеале срцев удар, но редовната физичка активност сепак треба да биде целта.