Во црниот дроб има околу 300 милијарди клетки, наречени хепатоцити, кои извршуваат повеќе од 500 различни физиолошки функции, од кои многу се од суштинско значење за одржување на животот. Дека црниот дроб не функционира како што треба покажуваат следниве симптоми:
Абдоминална болка – Чувство на болка од десната страна под ребрата е еден од знаците на заболување на црниот дроб. Црниот дроб го зазема најголемиот дел од абдоминалната празнина, а неговиот масен крај се наоѓа од десната страна и ако е оштетен или воспален се јавува болка.
Жолти очи или кожа (жолтица) – Кога телото ги разградува старите крвни клетки, се зголемува билирубинот во крвта. И додека здравиот црн дроб нема проблеми со ослободувањето на билирубинот, болниот црн дроб овозможува билирубинот да се акумулира во крвта, а симптомот е жолта белка или кожа (жолтица). Темната боја на урината и светлата боја на столицата се, исто така, знаци на жолтица.
Болка во зглобовите – мачнина, повраќање, замор и губење на апетитот се меѓусебно поврзани симптоми на заболување на црниот дроб – особено автоимуниот хепатитис. Автоимуниот хепатитис е состојба во која имуниот систем погрешно ги напаѓа клетките и ткивата на црниот дроб, а е почест кај жените отколку кај мажите, според податоците на американскиот Национален институт за здравство.
Дамки на кожата – Ако црниот дроб не ја чисти правилно крвта, може да имате проблеми со згрутчување на крвта во близина на површинскиот слој на кожата
Збунетост – Ако црниот дроб е болен, може во крвта и во мозокот да се створи премногу бакар, што може да доведе до нарушување слично на Алцхајмеровата болест. Овој симптом е поврзан со напредна фаза на болеста на црниот дроб, што значи дека веројатно нема да биде прв (или единствен) симптом ако црниот дроб не работи како што треба.
