Боровницата го намалува крвниот притисок

Фитохемикалиите кои на боровниците им ја даваат нивната сина боја можат сериозно да го подобрат кардиоваскуларното здравје, покажуваат најновите студии

Наречен тивок убиец заради тоа што нема видливи симптоми, високиот крвен притисок предизвикува проблеми на кардиоваскуларниот систем што на долг рок може да предизвика болести на бубрезите и мозочен удар. Луѓето со висок крвен притисок би требало да се хранат здраво, да важбаат и да ја одржуваат телесната тежина.

Научните имаат направено голем број студии за храната која го подобрува кардиоваскуларното здравје, а брокулите, спанаќот и рибата се на редовното мени. Според најновите истражувања и боровницата се приклучува на оваа листа.

Консумацијата на 100 грама боровница двапати дневно во текот на еден месец го намалува крвниот притисок исто како и лековите за хипертензија, се резултатите од студијата на група научници од Кралскиот колеџ во Лондон.

Боровниците содржат бројни полифеноли меѓу кои и антиоксидансите антоцијанини на кои им се припишуваат овие позитивни влијанија на васкуларниот систем.

Според испитувања направни на група од 40 лица, по еден месец консумација на напиток од 200 грама боровница, на испитаниците крвниот притисок им се намалил за пет единици. Тоа е резултат кој обично се постигнува со медикаментозна терапија, велат научниците.