КОРИЈАНДЕР
Овие малечки кафени, округли семиња имаат јаткаст вкус. Индијците преферираат сами да ги ронат овие семиња, наместо да го купат како зачин од продавница, бидејќи вкусот избледува брзо откако ќе се сомелат.
Медицинска намена: го регулираат нивото на шеќер во крвта и го намалуваат холестеролот.
БОСИЛЕК
Потекнува од Иран, Индија и други тропски региони на Азија и се култивира барем 5000 години. Босилекот уште и се смета за „крал на билките“, а за тоа говори и фактот дека Хиндусите се молеле и поклонувале пред босилекот со цел да се заблагодарат на неговата огромна моќ. Се употребува свеж или сув во салати, супи и други видови на јадења.
Медицинска намена: тој смирува, опушта и успива. Го потикнува лачењето на стомачни сокови со што го забрзува варењето на храната и го подобрува апетитот.
КАРДАМОН
Се нарекува и мала зелена бомба, бидејќи кога ќе го гризнете се случува експлозија од вкусови во вашата уста. Обично се користи како засилувач на вкусот на десерти или чај.
Медицинска намена: ја подобрува работата на дигестивниот систем.
КУМИН
Овој зачин најчесто се користи за маринирање на месо. Ако сакате да експериментирате со вкусови, следниот пат кога ќе готвите пилешки стекови наросете ги со кумин.
Медицинска намена: го подобрува варењето и имунитетот.
МЕЛЕН ЦРВЕН ПИПЕР
Црвениот пипер се употребува како додаток во многу готвени јадења. Различни видови на црвен пипер имаат различна лутина, па во зависност од тоа колку луто сакате таков пипер изберете.
Медицинска намена: Спречува главоболки и го намалува нивото на холестерол.
КАРАНФИЛЧЕ
Најчесто се употребува како додаток во варено вино, а во Индија се употребува и како зачин во безброј јадења. Можете да го ставите во чај доколку имате болки во грлото.
Медицинска намена: ја намалува болката и ги убива бактериите.
