Брокулата е зеленчук со специфичен вкус, кој, за жал, со оглед на тоа дека е вистинска ризиница на корисни нутритиенти, е малку застапен во нашата кујна. Се јаде цел, односно и плодот и листовите.
Познато е дека е полна со витамини, како А, Б1, Б2, Е и Ц, потоа минерали калциум, магнезиум, железо. Содржи големи количества влакна и бета каротен, а се смета и за одлична намирница за дијабетичарите, потоа за здравјето на срцето и одржувањето на нивоата на холестерол, потоа помага при болести на коските, болки, а важи и за моќно оружје против клетките на ракот.
Брокулата е моќен антиоксидант кој го штити организмот од штетното дејство на слободните радикали. Со право е ставена во групата на едни од најздравите намирници на светот со малку калории, па така помага освен за здравјето и во процесите на слабеење. Со неа се победува и тешката бактерија на желудникот – хеликобактери, отпорна на лекови. Се консумира варена, печена, за супа, салати, чорби, ручеци…
