Чајот од лаванда помага кај настинки, тегоби во желудникот и несоница

Масажата со етерично масло од лаванда помага за подобрување на расположението и опушта во стресни ситуации

Чајот од лаванда е познат по својата лековитост. Се користи за смирување и ублажување на несоницата и против главоболка. Делотворен е и за настинки и инфекции на дишните патишта. Ја поттикнува варењето на храната и исфрлањето на штетните материи од организмот и помага при тегоби во желудникот.

Најчесто се користи како чај. Една до две лажички сува лаванда се прелева со врела вода и се остава да отстои. Освен како лек, лавандата се користи и како зачин заради интензивниот мирис и вкус.

Мирисот на лавандата смирува, а ги намалува и мигренозните болки. Цветовите на лавандата содржат состојки кои имаат лековити својства, а мирисот делува смирувачки кај симптомите на мигренозни главоболки. Масажата со етерично масло од лаванда помага за подобрување на расположението и опушта во стресни ситуации. Ги  спречува контракциите на воспалените крвни садови и мускули на вратот и околу очите и им помага да се опуштат. Масажата со масло е одлична и кај ревматски тегоби. Лавандата го стимулира и растот на косата ако се нанесе и се масира во коренот на главата. На овој начин се подобрува циркулацијата, се привлекува крв во косата и се спречува опаѓањето.