Чаша вино дневно за подобро здравје

Умереното консумирање вино (1 чаша вино дневно) поволно делува и на срцевото здравје

Се повеќе истражувања го потврдуваат поволното влијание на виното врз здравјето. За почеток грозјето, а со самото тоа и виното, богато е со полифеноли кои ги ублажуваат воспаленијата и го намалуваат оксидативниот стрес во организмот.

Интересно е и дека црното грозје содржи повеќе антиоксиданти од белото, па така пиењето црно вино го зголемува нивото на антиоксиданти во крвта во поголема мера од пиењето бело вино.

Едно истражување покажало дека пиењето црно вино може да го намали ризикот од болести кои се поврзуваат со оксидативен стрес, како што се Алцхајмеровата и Паркинсоновата болест.

Умереното консумирање вино (1 чаша вино дневно) поволно делува и на срцевото здравје – научниците сметаат дека полифенолите од виното го намалуваат ризикот од зголемен крвен притисок, зголемено ниво на холестерол и метаболички болести. Одделни истражувања покажале и дека антиоксидантите од виното поволно влијаат на долговечноста.